DALAWANG malalaking government contractor ang kabilang sa mga donor ni FPJ Panday Bayanihan Party-list Rep. Brian Poe-Llamanzares, anak ni dating Senadora Grace Poe.
Ayon sa ulat ng Philippine Center for Investigative Journalism, nagbigay ng tig-P500,000 sa kampanya ni Poe-Llamanzares sina Maynard Ngu ng Cosmic Technologies Inc. at Joseph Quirante ng Octagon Concrete Solutions.
Si Ngu ay kilalang contractor ng Department of Education habang si Quirante ay contractor sa Department of Public Works and Highways.
Napag-alaman na nag-donate si Ngu ng P30 milyon sa kampanya ni Escudero bilang senador noong 2022.
Sa pagdinig ng Senate Blue Ribbon Committee, tinukoy ni dating DPWH Undersecretary Roberto Bernardo si Ngu bilang bagman ni Senador Francis Escudero.
Si Quirante naman ay bayaw ni Escudero.
Magugunitang si Escudero ang bise presidente ni Grace Poe nang tumakbo ito bilang pangulo noong 2016. (EG)
71 
